Ás voltas cun soño (Galician Edition)

Oito relatos de rápida e sinxela lectura que deixan unha agradábel sensación. A autora constrúe paisaxes humanas polas que transcorren, espontáneas e naturais, experiencias da nenez, da adolescencia ou da madurez, mesmo turbulenta. Un conxunto de narracións que a escritora construíu como óbolo inexorábel en pago da súa propia aprehensión, na altura xa inevitábel, de que “Godot era aquela avelaíña xogando co vento”. Oitos relatos libres de preconceptos nos que mestura o fantástico co real e o vivido co imaxinado, ao ritmo desa pulsión íntima e intensa que as emocións máis primarias teñen de seu, ao abeiro desas pequenas cousas coas que conseguimos manternos ergueitos no latexo da existencia.