ABA! Nag-Review Ka Na Ba?

Narito ang larong ABA! na hango sa tema ng librong ABNKKBSNPLAKo?! Isang makabuluhang pampalipas oras upang mas makilala ang sarili at mga "kaklase" sa paaralan ng buhay. Naglalaman ito ng mga tanong na sasagutin, pag-iisipan, pagtatalunan, pagtatawanan, pagsasaluhan, at maaring pag-ugatan ng iba pang tanong. Simple lang ang pakay: masayang kwentuhan. Pakikipagkapwa-tao sa paraan ng pakikipag-usap. Pagpapalitan ng mga saloobin at opinyon, takot at tuwa, karanasan at pangarap, tagumpay at luha, galit at ilang katotohanan na medyo kahiya-hiya.