Saal die regte perd op (Afrikaans Edition)

Ankia is dol oor perdry en om haar ma se perd, Gilbert, te versorg. Toe sy ses jaar oud was, het 'n perd haar afgegooi. En nou is sy bang om weer te ry. Vrekbang. Moet sy nie maar liewer 'n ponie kry nie? Watter een moet sy kies? Die sneeuwitte of die pikgitswarte? Sy wil so graag saam met Michael en sy Palomino, Tornado, oor die veld galop. Wie is die geheimsinnige man wat op hulle kleinhoewe opdaag? En waar kom die Jack Russell-hondjie, Vlekkie, vandaan wat dadelik groot vriende met Gilbert word? ‘n Rooikat kom maak moeilikheid op die kleinhoewe. Gaan hy dit regkry om Gilbert en Vlekkie se vriendskap te bederf? Wat gaan Ankia doen wanneer Vlekkie in groot moeilikheid beland? Ideaal vir kinders van 8-10 jaar.