Taktu til í lífi þínu ! (Icelandic Edition)

Listin að grisja og endurskipuleggja með japönsku KonMari-aðferðinni. Er óreiðan á heimilinu að fara með þig? Allar skúffur troðfullar og skáparnir að springa? Staflar og hrúgur í öllum herbergjum, sama hve oft er tekið til? Þá gæti verið tímabært að grisja. Fara skipulega í gegnum allar eigur þínar, losa þig við það sem þú þarfnast ekki og veitir þér enga gleði, og raða því sem eftir er af skynsemi í hirslurnar. Aðferðin sem hin japanska Marie Kondo kynnir í þessari bók hefur farið sigurför um heiminn enda er hugmyndafræðin að baki henni bæði snjöll og einföld. Og þegar heimilið er orðið snyrtilegt í eitt skipti fyrir öll, hlutirnir færri og skipulagið betra, þá rofar líka til í huganum: hugsunin skýrist, sjálfstraustið eykst og verkefnin framundan verða yfirstíganleg. KonMari-aðferðin er lykill að nýju og betra lífi!