Culhwch ac Olwen (Welsh Edition)

Culhwch ac Olwen yw un o chwedlau hynaf yr iaith Gymraeg a ddeil yn enghraifft ryfeddol o ddawn ddisgrifiadol a theithi iaith y Cyfarwydd. Yn ystorfa o draddodiadau brodorol, gwelir ynddi fotiffau amlwg chwedlau cydwladol, ac mae i'r chwedl bwysigrwydd Ewropeaidd fel un o'r testunau Arthuraidd hynaf. Ffrwyth gwaith ar destun Syr Idris Foster (1911 - 84) o'r chwedl yw'r gyfrol hon, a gwblhawyd gan Rachel Bromwich (1915 - 2010) a D. Simon Evans (1921 - 98), a'i chyhoeddi yn gyntaf gan Wasg Prifysgol Cymru ym 1988.