L'arbre des batailles (French Edition)

Ce livre historique peut avoir de nombreuses fautes de frappe, le texte manquant, des images ou des index. Les acheteurs peuvent télécharger une copie gratuite scannée du livre original (sans fautes de frappe) de l'éditeur. 1883. Non illustré. Extrait: ... QUATRIEME PARTIE. CHAPITRE I.--Si demande de quel droit vient bataille. En çeste quatrieme et derniere partie de cestui livre je demande premierement de quel droit vient bataille. A quoy je vous respons que nous avons ung droit que nous appelons droit divin c'est à dire droit de Dieu. Et pour ce nous fault veoir et entendre se bataille est chose reprouvée de celui droit divin, car bien le penseroient aucuns hommes simples. Et la raison si est pource qu'en guerre et en bataille se font plusieurs maulx. Mais faire mal est chose reprouvée et condampnée par celui droit de Dieu.Dont bataille n'estmie ne ne vient d'icelui droit de Dieu.Je vous dy que cestui argument ne vault rien. Car il est verité que bataille n'est une male chose ainçois est bonne et vertueuse, car bataille ne regarde autre chose selon sa droite nature que retourner tort à droit et faire retourner dissension à paix selon le contenu de l'Escripture. Et se en bataille se font plusieurs maulx, ce n'est mie selon la nature de la bataille, mais est faulx usaige. Sicomme de ung homme d'armes, qui prent une femme et lui fait honte et vergongne ou fait bouter le feu en l'eglise. Tels cas ne viennent mie de nature de bataille, mais est faulx usaige de bataille et de guerre et de mal guerroier. C.XXIII, Q. i. c. Noli. Ainsi comme nous disons de la vertu de justice par laquelle le juge doit faire raisonnablement sa cognoissance. Mais se ung juge faisoit tort, dirons nous que jurisdiction feust mauvaise chose. Certes nennil, car faire tort ne vient mie de la nature de jurisdiction mais vient des faulx usaiges et de mauvais juge, car tous biens et toutes vertus viennent de Dieu. Ainsi fault il entendre que bataille ...