Lupa at Pag-ibig

Madalas ang mga pangit na babae ay hindi umaasa na magkaroon ng tunay na pag-ibig. Hindi kabilang si Ada sa mga babaeng iyon kahit pangit siya. Kaya naman nasaktan siya ng husto.
Isang misyon bilang miyembro ng New People’s Army ang nagdala kay Richard sa eskwelahan ni Ada. Isang babaeng na para sa kanya ay pwedeng makasama ngunit hindi maipagmamalaki. Kaya kailangan itong masaktan para siya makalayo.
Sa muling pagtagpo ng kanilang landas ay nabaligtad ang lahat. Ang dating pangsulok na babae ay tinitingala ng lahat ang kagandahan. Isang hindi matalo-talong abogado na sinaktan ni Richard ang kanyang naging sandalan para maisalba ang mga rebelde sa kanilang kota na nanganganib maging mining site.
Isang rebelde at isang abogado. Tungkulin ni Richard sa samahan ang nagtutulak sa kanya para protektahan ang buhay ni Ada. Tungkulin sa bayan ang dahilan kaya kahit buhay ni Ada ay handa niyang ialay maipanalo lang ang kaso. Pag-ibig ang nagbubuklod sa kanila para sa kapakanan ng mga rebelde na inaapi.
Hanggang saan ang kanilang pakikipaglaban laban sa isang maimpluwensyang taong nabibili ang lahat maging ang taong kanilang ipinaglalaban?