Diary Ng Panget 4

Ito na ang ika-apat at huling libro ng Diary ng Panget series. Nagsimula sa pagkadapa ni Eya sa may corridor at sa pagtawa sa kanya ng antipatikong si Cross Sandiford na naging amo niya, nagpunta sa walang katapusang bangayan hanggang ang inis nila sa isa't isa ay unti-unting nauwi sa isang damdamin na parehas nilang hindi mapaliwanag. Ano nga kaya itong namumuong damdamin nila para sa isa't isa? Pag-ibig kaya o gutom lang? Seryoso ba si Cross sa pagtatapat niya bigla ng damdamin niya o nauntog lang niya ang ulo niya nang malakas sa pader? Magkakagulo kaya? Parati pa rin kaya silang mag-aaway? O ito na ang oras na magmamahalan na talaga sila at kikiligin na tayong mga mambabasa? Pero teka, paano kung may umepal? Silang dalawa na nga lang, magulo na, paano pa kaya kung may dadagdag na mas magpapagulo pa?